مصطلحات حجازيه

موضوع: مصطلحات حجازيه السبت أغسطس 16, 2008 12:08 pm

السلام عليكم ورحمة الله وبركاته
ان شاء الله الموضوع هذا يعجبكم وهو قاموس لاهل زمان

نبدأ ..

مصطلحات وأمثال حجازية زمان

قوام = بسرعة
حُقْ =علبه
بلكن = يمكن
أقيس = أظن
دحين= الآن ..
الديقيسي = غرفة في السطح
مصرفدة= مستعجلة
دولا أو دُولْ =هؤلاء أو هم
أمزع رقبتك=سبه
داير مدار أو داير مايدور = حولين الشيء
دغري = على طول
امصع أدنك=يعني أجرها
مخمج = معفن
جغمه = تقريبا شفطه أو رشفه من الشراب
وي=للتعجب
الدحديرة = النزلة
ازهميلي= نادي لي
ناوليني = أعطيني
زنبيل = الكيس
منضره = نظاره
يواد= ياولد
الصمرقع = الجنان
اترينو= زي غصبنوا
وخرلو = ابتعد عنه
اشبك= ماذا بك
سكر المحل = قفل
معلقه = ملعقة ؟
سيبوا= اتركوه
بسط المحل = فتح
أندر = اخرج
أفرشك فرش=أضربك ضرب
افتر= اهجد
وكلمة علين = ألين أو إلى
زي الرصد = تقيل مرره
توايق= تطالع
عساك بالطافوح= سبه يعني عساك بالسم للي يأكل كثير
حزر فزر = يعني توقع
شطيطة= تصغير شطه
أترنو = عشان كده
كنترة= جزمة
طرحرح = جاني التعب والقرف منك
غصبنو = عشان كده
محزقر= ضيق
دحلسة= تملق
قصرو = اختصار الشيء أو الزبدة وتقرب لأخذ شئ ما
قرينه= سبه يعني جنيه
ايشكلو = إيش هوا
عبالوا = إلى أن
أتعتع = أتحرك
قنله = تنوره
شربيت = عصير
كُرته = فستان
أستكري تكسي= أستاجر تكسي
كندره = جزمه
مزبرقة = مزينة
محل.. بكسر الحاء= غرفة المعيشة
عازه = حاجه
الهجاج= الجنان
هوري= الكرسي الصغير
بطران = ما يحمد ربه
يبكشوا = يمزحوا
المبيت = غرفة النوم
يحقلو = يحق له
زهمني = ناداني
حلنّي أو استنيني = يعني موت ياحمار
تليك او زنوبه = مداس وفي روايه شبشب
لطشتوه = ضربتوا ...
مقرحف = ناشف زي لما تقول العيش زي وجهك مقرحف
صرمه = جزمه
اتلبخت = انشغلت أو أنزعج
طراحه = فراش
اتشعبط = أتسلق
متاقه = أخت مجاغه= واحد دمه ثقيل
إسمنّو = على الأقل
شبطة = لصقة
في قلب العدو = تقال عند ذكر أمر سيء
بوز = فم
خِف= أستعجل
السنطران = السنترال
دلكي النحاس = غسلي الصحون
أهبط أو اهجد=اقعد عاقل
اتاري = لها معنيين الأول كمبيوتروالتاني لما يقولك آآآآآآآه اتاري الهرجة كدااااا
حُق المناديل = علبة المناديل
الدويان = الأدوية
بحلقت= فتحت عيني بقوة
باينلو = باين عليه
والله عال = عجيب
خمشتوا= قرصتوا
تكرونيه بيضه = لمن البزره تقعد تكلج في الهرجه يقولولها تكرونيه بيضه
صُكّر = سكر
قر= اهجد
كونديشن = مكيف
فارقي= انقلعي، روحي
كدش = الشعر الكثيف المخربط
مخدة= وساده
أقيد الرقم = اسجله
ما بلعتو من زور = ما عجبني
جلاله = سجادة
الحمبتري = بنت عم طرحرح يعني الحمه
اتقيت = لقيت
استيته =الأخت الكبرى
رجه = صقعه
بكرج = براد الحليب
سيدى = الأخ الأكبر big brather
غيرت حجر الساعة = يعني غيرت بطارية الساعة
متصربع = مستعجل
مرعته ( بالشدة عالراء ) = لمن يدلع الطفل ويزيد حاله
ما صفطناكم = ما شبعنا منكم
الصحية = المستشفى
أتلحف = أتغطى بالبطانية
يستغر = يعتمد
كراويته= زي البطرمبة من خشب و مرتفعة
أديلو علقه = افرشوا = عاقبه
داعتو = أشوى أو أحسن
اهبدك الين أجدد إيمانك = تهديد

زائر

ههههههههههههههههه
ككككككككككككككككككككككك
عععععععععععععععععععععععععع
خخخخخخخخخخخخخخخخخخخخخ
روعة ادمن روعة Very Happy

في اختياراتك هوه نلاقي احسن من كده يلا فرفش Very Happy

طيب كركون وحنفيه

شكرا لمروركم

نجـــــــــــــــم و متفائلـــة

lol!

زائر

يسعدلي هرج الحجاز وأهله يارب
مرة جنااااااااااااان
يسلموووووووو

كده الهرج المظبوط إلا يعبي الراس ويمخمخ في الدماغ ويخلي الواحد كاشخ ومهيص وما يفارق هدا الكمبوتر ويقعد يدحبش ويفتش عن هرج وامثال ودق حنك ، ولو واحد زهم عليه يقلوا تمره ...... إستنا أنا مكيف مع دول البزوره الحلوين وبكشهم إلا يجنن وعفرتتهم ومخهم الا وصلهم لهدي الفكره العفريته إالا يخلوك متسمر قدام هدا الكميوتر

الله يعطيك العافية ابو نواف

من جد مره احبك يا ابويا

زائر

ابونواف كتب:: كده الهرج المظبوط إلا يعبي الراس ويمخمخ في الدماغ ويخلي الواحد كاشخ ومهيص وما يفارق هدا الكمبوتر ويقعد يدحبش ويفتش عن هرج وامثال ودق حنك ، ولو واحد زهم عليه يقلوا تمره ...... إستنا أنا مكيف مع دول البزوره الحلوين وبكشهم إلا يجنن وعفرتتهم ومخهم الا وصلهم لهدي الفكره العفريته إالا يخلوك متسمر قدام هدا الكميوتر

الله

ياريتك تسجل الكلام وتنزلنا هوا نسمعه...
الله لا يحرمنا منكم ومن كلامكم

زائر

ياناااااااااااس على كلام الحجازيين
ذكرتني بكم كلمه كنا نقولها واحنا صغار Smile

يسلموووووووو

زائر

ابونواف كتب:
كده الهرج المظبوط إلا يعبي الراس ويمخمخ في الدماغ ويخلي الواحد كاشخ ومهيص وما يفارق هدا الكمبوتر ويقعد يدحبش ويفتش عن هرج وامثال ودق حنك ، ولو واحد زهم عليه يقلوا تمره ...... إستنا أنا مكيف مع دول البزوره الحلوين وبكشهم إلا يجنن وعفرتتهم ومخهم الا وصلهم لهدي الفكره العفريته إالا يخلوك متسمر قدام هدا الكميوتر

يسعدك ربي يا عمدة ... وربي هرجكم جنااااااااااااااااااااااااااااااااااااان يخبببببببببببل
ذكرتوني بهرج ستي الله يرحمها.... اللي كنت أقلدو وأنا صغيره..من حبي لهرجها..
بس هيا تحسبني بأتريق عليها .. وهاااااااااتك يا فرش geek

شكرا لمرورك

» أكلات حجازيه جوناان .. ..
» تعرف على معنى الميتافيزيقيا و مصطلحات فلسفية أخرى...
» مصطلحات مدرسية