قصيدة تمساح وسحلية

أضيفيني بايميلك وخلينـا نصيـر اثنيـن
كلام يقــوله محشـش عشان يشبك بنّيـه

أضيفيني وأنا بقبل بسرعـه طالبـك تكفيـن
بسولف لك وبحكي لك ســوالف حيـل سريّـه

تقوم البنت تتغلـــى ورا مـا تقولهـا هالحيـن
هــنا بالمنتــــدى بالخـاص الأوضـاع حــريّـه

يجاوبها الولد ويقول شكلك صايـره تنسيـن
حـــــاير خصــيم الوقت مدرســة يا وخيّـه

يشـــوفـون الرسايـل كلهـا وإلا مـا تدريـن
وأنا مآبي يشوفونـي وأنـا بعطيـك حنّيـه

تجيـــه البنت وتضيفه وتتكبـر عليـه شويـن
تفضــل هاه وش عندك تراني حيـل رسميّـه

وهي دجه ولا تدري تجيه يسار وإلا يميـن
شين البنت تتفلســــف وهي بالراحـه عليميّـه

يجيها جايب الطبلون يجيها مطفـي النوريـن
أنا مملوح وش زينــي أنـا كلـي رومانسيّـه

أنا أسوي وأنا أفعل أنا احبـك ليـوم الديـن
تعالي قربـي منـي تـراي مصفـــي النيّــه

وهو توه و ما كمل معاهـا يـوم أو يوميـــن
يقول أنتي ملكتيني يا أحلـى بنـت سحليّـه

تقول البنت منحرجه ورا ما تستحي ياعفيّـن
أنا ما اعرف وش تقصد أنا مبغى رومانسيّـه

وكانك زين وش ملحك تراني كاملـه بالزيــن
أنا أمي تقول أنتـي جمـال وطـول حوريّــه

يشب محشش الصاروخ ويمخمخ على مو شين
اجل أمك تقول أنتي جمـال وطـول حوريّــه

أنا أتوقع ولا ادري أحس انك كمـال الشيـن
ولونك لون سوداني وخشمك خشـم كوريّــه

وتبدى الحرب بين اثنين كله سب مع تلعيـن
وكلـن يحظـر الثانـي وبأخـلاقٍ تجاريّــــــه

وهذي تجربة محشش وترجمها لكـم قافيـن
وهـذا حالنـا هالحيـن تمسـاحٍ وسحلـيّـــــه
منقووووول

مشكورين
لكم تحياتي

الله يحلي أيام الجميع
ولا يجعل عيشتنا مرررررة
لك كل الشكر