ميزه تكون مكاوي

.

اهل مكة . . . . . . أهل معروف

أهل الخير . . . . . . أهل مكة

أهل شيمة . . . . . . أهل قيمة

ومع كل تعتيمه . . . . . الناس تحلي بأهل مكة
حماة البيت وجيرانه . . . . . شجر الحب وأغصانه
كده هما وكدا كانو ا . . . . والميدان فرسانه أهل مكة

ناس عالية الهمه . . . . . . ناس تحفظ الذمه

ولا مية الف كلمة . . . . . . ما توفـّي أهل مكة

ومين شكو الزمان شكه . . . . . . أو حالو مال لو تكه

لا يتعب ولا يشيل هم . . . . . . دُغـري يروح لأهل مكة

أهل الحبا وأهل الجبا . . . . . . وأهل القلوب الطيبه

أهل الشهامة والكرم . . . . . . وأهل كلمة مرحبا

وميزه تكون مكاوي . . . . . . ميزه تكون هنا اتربيت
في ظل الرحمة جنب البيت . . . .تفرج في الحرم همك

تصفي بزمزم دمك . . . . . . يا بختك أنت من مكة

في أزقتها القديمة لعبت . . . . حرامي عسّه لما تعبت

وكبت ولاري وعزيزه . . . . من المسفله لحد الجميزه

رمضان طول الليل سامر . . من النقا حتى شعب عامر

وطبعاً مافاتك جوش . . . . . . ما دام انك مكاوي

مكاوي . . . . . . يعني ابن حاره اصيل

مكاوي . . . . . . وطبعي حلو وجميل

مكاوي . . . . . . أنا وللحاج دليل

وأفتخر إني . . . . . . مكاوي

.

زائر

مكاوي . . . . . . يعني ابن حاره اصيل

مكاوي . . . . . . وطبعي حلو وجميل

مكاوي . . . . . . أنا وللحاج دليل

وأفتخر إني . . . . . . مكاوي

والنعم والله باهل مكة
يسلم تمك

» كيف تكون من القانتين ????
» كيف تكون أسعد الناس؟؟
» كيف تكون شخص إجتماعي ومحبوب