لما تتأخر

قصيدة للشاعرة عائشة النويمي أرجو أن تنال إعجابكم :


عارف لما تتأخـر ؟
وما تسأل..؟
ولما تغيب..!
ويمر الوقت..؟
ويعدي يوم
وما تحملْ لي النسمة..
شذى عطرك
نغم همسك..

يــغيـــــــب
الصوت
واحـــــــّس
الموت
ولا نبضة علي تـفـوت
وتوقف دقة الساعة..
وتتجمد عقاربها...

وإنت الصمت في صمتي
وإنت الصوت في صوتي..
وإنت الضو في صبحي..
وإنت الكو ن .
عارف لما تتاخر ؟

ألملم غـربتي بجوفي.
وحزن الدرب من خوفي
واقـول اَ زعل..
واصمم
عنك أبي أبعد
أبيك تحسّ بغيابي
أبيك تسأل عن اسرابي
عن طيوري وهي تغرد..
وترسمْ خط بكتابي.

ولا تسأل!!!
وارميها من التقويم..
ويخلَصْ..دفتر حسابي..

عارف لما تتأخر ؟

وحين ا زعـلْ..
أحس الأرض تتحرك
تزلزلني..
وتعثر خطوتي واطيح
بس أصبر وأتحمل
وقلبي يبتعد ويشيح
عن احساسي
وطعم المرّ في كاسي
ويسألني
عن اللي كان يحملني..
واشوف الدنيا بعيونه..
عن احلى لون بالواني..؟
عن اللي خطوته ذابت..
على بابي
وصارت لوحة منحوتة بمحرا بي..

وأتحمل..
واقول ا زعل
ونجم سهيل يسألني
ويطول الليل..
وما يتعب يهد الحيل..
واذوق الويل..

ويسألني ظلام الوقت
وجور الصمت..
وصدى الأركان ؟؟
عن الضحكة..
عن الألحان..
عن وجهٍ بأعماقي
وعن رسم بأوراقي..وعلى الجدران..
واتعب أسمع الباقي..
وأتحمل..

واكمل خطتي واغضب.
عارف لما تتأخر ؟
يسري البرد في كـفـوفي..
وحولي تصغر الدنيا..
تغيب الشمس في حروفي..
تتهلل مدامعها..
ويبدا يبتعد شوفي
وتقسى الناس ف عتابي..
وتتعلق..دموع العين بهدابي..
وتسألني..؟؟
عن احبابي؟؟

أقول ما قدر..
أبي أرجع
أبي اسامح..
أبي اصفح..
عشان ترجع لي أحلامي...
صعب النوم بدون أحلام..
وقلت يكفي..
خلاص أرجع.
ترى مني الزعل طوّ ل
أبي حبي مثل أول
أصالحهم..
لقيت اني..
زعلت اليوم
وقلت أرجع في نفس اليوم