المبدع الشاعر عبد الرحمن بن مساعدوقصيدته مساء الخير

المبدع الشاعر عبد الرحمن بن مساعدوقصيدته مساء الخير
***
مساء الخير .. والإحساس والطيبـة
مساء مايلـيـق الا باحبابي

مساء غيـر غصـن لطيـر يحكيبـه
من اللـي مسكنـه جفنـي واهدابـي

هـلا باللـي احبـه كثـر تعذيبه
وكثر ماهـو يغيب وكثر ترحابي

حبيبي هو ولو ماقصّر الغيبة
ولو عن بسمتي قد طوّل غيابي

اعرفه زين وعيتني اساليبه
عدوي يوم .. ويوم اقرب من اصحابي

ملكني بين ترغيبه وترهيبه
يفارقني وهو واقف على بابي

به الصادق به الغارق باكاذيبه
يبي بعدي .. ودمعه بلل ثيابي

به القسوة .. به الرقة .. بـه الهيبه
به الضعف القوي به نشوة اغضابي

هلا باللي يصيب العطر بالريبة
يقول العطر .. انا زايل ويبقابي

هلا باللي يقول الورد وش ليبه
من المهدى ؟ .. انا او هو لأطيابي

هلا باللي عجزت ألقى عذاريبه
هلا باللي تحبه .. كل أسبابي

مساءٍ فاق كل الشعر ترحيبه
بجية مـن سكن جفني واهدابي

مساءٍ فاض بالإحساس والطيبة
مساءٍ .. مايليق الا باحبابي