اصوووول التخزين

للتخزين... أصول؟



كلنا بيكون عندنا حاجات مابنستعملهاش دايما وبيكون ليها مناسبات خاصة بيها وبالتالي بنحتاج إننا نحفظها من غير استخدام لفترات متفاوتة تطول أو تقصر مما قد يعرضها للتلف أو الفساد لا قدر الله ما لم يحسن تخزينها.




الشيء لزوم الشيء في تخزين كل الحاجات

فقبل ما نخزّن أي حاجة لازم تكون في وسائل وطرق مختلفة للتخزين طبعاً وده طبقا لطبيعة الأشياء المخزنة ونوعية التهديدات التي تتعرض لها سواء السرقة أو الحريق أو تسرب المياه أو التعرض للحشرات... وغير ذلك.



لهذا يجب توافر الظروف التى تناسب الشيء المطلوب تخزينه فى الأماكن المختلفة سواء أكانت مخازن مخصصة ومجهزة لهذا الغرض أو كانت حدائق أو محال أو أسطح حيث يجب فى كافة الأحوال مراعاة ألا يكون المكان معرضا لمصدر مياه أو صرف أو يكون قريب من مصادر اشتعال وإذا كان مكانا مغلقاً يراعى التأكد من سلامة الأقفال والكوالين ووضع مبيدات للحشرات ما لم يتعارض ذلك مع الشيء المخزن.

صندوق خشب للأشياء الثمينة

الأفضل التخزين في الصناديق الخشب خاصة إذا كانت أشياء ثمينة وهي أكثر الطرق أمانا للحفاظ على تلك الأغراض.

تخزين البضائع لازم بشكل رأسي










فيه ناس كتير بتحب تشتري بالجملة بحيث مش كل شوية تنزل السوق وتضيع وقت ويفضل تخزين البضائع برضه في صناديق خشبية ونراعي إنها تكون متخزنة فيه بشكل رأسي وذلك بأن تكون داخل صناديق خشبية أو علب كرتون ويراعى أن يترك ممرات مناسبة ما بينها لتسهيل سحب أي منها عند اللزوم كما يراعى أن يكتب على الصندوق أو الكرتون فى اتجاه الممر أو الرؤية نوع وعدد ومقاس ولون ورقم الصنف والمقاس... وغير ذلك من بيانات للاستدلال على السلعة المخزونة عند طلبها وأحياناً تبطن الصناديق من الداخل بمادة رخوة مثل الفوم السميك ليتناسب مع الشيء المخزن خاصة لو كان قطع من الأثاث أو التحف أو الإكسسوارات.





للوحات الفنية.. ورق عازل للهواء










في حالة تخزين اللوحات الفنية فمن الأفضل أن يتم لفها بورق عازل للهواء ثم بنوع من البلاستيك الشفاف ولمزيد من الحماية يغطى ذلك بطبقة من الفوم، وفى حالة التماثيل أو الفازات الثمينة القابلة للكسر فيفضل أن يصمم تجويف فى الفوم السميك يشابه فى مقاساته وشكله الشيء المخزن ويوضع داخله.





الفلفل الأسود ومضادات العتة للسجاد









فيه ناس كتير بتفضل إنها تشيل السجاد في الصيف وفي الحالة دي لازم يتخزن صح علشان ما يتعرضش للتلف ولذلك يفضل أن تلفّ أو تثنى في طبقتين من البلاستيك مع نثر حبيبات مسحوق الفلفل الأسود أو مضادات العتة داخل الثنيات لمنع الحشرات ويراعى أن يتم من وقت لآخر تهوية السجاد وتهويته جيداً وتنفيضه خارج مكان تخزينه ثم يعاد ثنيه وتخزينه بنفس الطريقة المذكورة.





الأقمشة والمفروشات.... 100 لفة










وبالنسبة للأقمشة والمفروشات لأنها بتكون حساسة جدا ومن ثم فيفضل عند تخزينها أن تلف بخامة مضادة للماء مثل اغطية السيارات ثم توضع فى صناديق خشبية ويفضل لف الصناديق بالبلاستيك بعد ذلك.





الكتب... لا للماء ولا للشمس









في حالة تخزين كتب ومستندات فللحفاظ عليها ومنع وصول الحشرات والنمل إليها تلف بنوعية من الأقمشة الخالية من الأحماض أو علب مبطنة بقماش ضد الماء مع مراعاة أن تخزن في وضع عمودي وأن يكون مكان التخزين غير معرض لأشعة الشمس المباشرة لتجنب التأثير الضار على الورق والأحبار.





في الملابس.. اغسل... اكوي وبعدين خزّن

أما بالنسبة لملابس الصيف فبتكون أسهل في التخزين لأنها مابتاخدش مساحة وأهم حاجة في هدوم الصيف إنها تتغسل كويس قوي عشان رائحة العرق بالذات وفي نفس الوقت لو بنستخدم أي مزيل عرق في الصيف وفضل على الهدوم فترة بيبقع وعشان كده لازم نهتم بغسيلها كويس، مش ضروري تهوية هدوم الصيف زي ما بنعمل في هدوم الشتاء لأن الجو بيكون بارد وبالتالي لا داعي للتهوية.



ونصيحة عامة يفضل تخزين الهدوم في أكياس قماش دمور لأن الأكياس البلاستيك لا تسمح بدخول الهواء مما يسبب الكمكمة والروائح الغير مستحبة.





تخزين الأكل... أهم حاجة










تعالوا بقى نتكلم عن أهم تخزين وهو تخزين الأكل، فيه ناس ممكن تطبخ مرة واحدة في الشهر كله والناس دول يفضل إنه يكون عندهم "ديب فريزر" للتخزين وده للحفاظ على الأكل لمدة طويلة أما لو هنطبخ كذا مرة في الأسبوع وهنخزن الأكل لمدة يوم أو يومين في الثلاجة نبتعد تماماً عن تخزين الأكل في الحلل الألومنيوم؛ لأن الألومنيوم بيتفاعل مع الأكل وممكن يسبب أمراض ونفس الشيء للبلاستيك، وأفضل شيء للتخزين هو الزجاج (البايركس) أو العلب البلاستيك المخصصة للطعام وبتكون مصنوعة من نوع جيد من البلاستيك.


ولو إحنا عايزين نخزن بعض الخضراوات زي الخرشوف أو ورق العنب والبامية فالعملية دي سهلة جداً وبنقوم فيها بغسل الخضار كويس جداً وبعدين هنحطه في مياه مغلية لمدة دقيقتين وننشله من المياه ونحطه بعدها على طول في مياه ساقعة مثلجة لمدة دقيقتين تانيين وبعدين نرصه في أكياس بلاستيك مخصصة لحفظ الطعام وتقسم الكمية لوجبات وبعدها نحطه في الفريزر.


بالنسبة للأكلات اللي بتتحط في صواني وحابين نخزنها لمدة أسبوع أو اتنين فيه نوع بلاستيك اسمه بلاستيك فيلم بيكون عبارة عن رول شبة ورق الفويل بس بلاستيك وبنستخدمه في تغطية الصينية بشكل محكم وعلى فكرة ممكن استخدام الغلاف البلاستيك ده داخل الفرن عند تسخين أو تسوية الصواني.





في تخزين مياه الشرب لا للبلاستيك











لو عايزين نخزن مياه للشرب هنبتعد تماماً عن تخزينها في زجاجات بلاستيك؛ لأن البلاستيك بيتفاعل مع الكلور الموجود في المياة ويسبب -لا قدر الله- أمراض سرطانية، وأحسن حاجة إننا نخزنها في عبوات زجاجية.


يلاحظ أنه يوجد حالياً لفائف بلاستيك ذات الفقاقيع الهوائية وهي يسهل استخدامها فى المنازل مع مراعاة أن تكون الفقاعة الهوائية فى الاتجاه الخارجي للف حماية للأشياء المخزونة من الضغط عليها وبالتالي التعرض للتلف أو الكسر.



وبكده نكون اتعرفنا على أصول التخزين في معظم أمور حياتنا وأتمنى أن هذه المعلومات تفيدكم وتعملوا بيها