امثال و معاني

موضوع: امثال و معاني الإثنين أبريل 20, 2009 3:48 pm

كول زيت وانطح الحيط يقال لتبيان فوائد الأكل الي فيه زيت

الحكاية مش حكاية رمانة هاي قلوب مليانه يقال إذا كان في حدى مثلاً عم يختلق مشكله على أشياء تافهه بس هوي قلبي معبى بأشياء أخرى أكبر حدثت بالماضي

التوم قتال السموم يقال لشرح فوائد الثوم

الخبزة المبلولة دوا المعلولة في الماضي كان إذا مرضوا الناس يحتاروا شو يطعموهم فكان أفضل شي يبلوا .
خبز بالمي

ان أوجعك راسك أكرمه وان أوجعك بطنك احرمه يعني بعد عن الضجة وحط مرهم وربطه بشاشية ومخده … وبطنك أفضل شي تحرمها من الأكل مشان تخرج منها السموم والأشياء الفاسدة

نظف بيتك ما بتعرف مين بيدوسه ونضف خدك ما بتعرف مين ببوسه

كول مع الكافر ولا تاكل مع طويل الأظافر

صار للدباني دكاني وصارت تسكر بعد الظهر الدباني : هي الذبابة

تاجرنا بالأكفان بطلت الناس تموت يقال للتعبير عن سوء الحظ يعني حتى الموت اللي يحدث كل يوم مئات المرات
وقت صرنا نتاجر بالأكفان ما عاد حدى مات من الناس .

الولد اللي ما من ضهرك كل ما جن إفرحله

عند المصايب بتبان الحبايب

حط العاقل ع المجنون وشوف مين أبنه عليه بيهون

متل بقر التركمان جعجعه وقلة حليب

متل سيران الضنى غبرة وقلة واجب الضنى : الأولاد – السيران : المشوار

كوم فيران ولا هالجيران

عاشر السبع ولو أكلك ولا تعاشر الندل ولو حملك

الكلب وين ما قعد بينجس

دارت الدورة عليكي يا عورة

كشر عن نابك كل الناس بتهابك

الحجر اللي ما بيعجبك بيفجك بيفجك : إصابة بالرأس

الكلمة الحلوة طالعة والكلمة البشعه طالعة يعني إذا واحد عم يحكي بموضوع مع ناس يختار الألفاظ المنمقة خاصة إذا كان الموضوع مهم أو له طلب عند الناس .

إن كرهت جارك غير باب دارك غير باب دارك يعني سده من مكانه الحالي وإفتح باب من جهه ثانية .

ساير صاحبك يوم وليلة وعريف سجاياه

مافي حمار بيموت وبياخد جلاله معه الجلال : هو البردعه

يا جاي بلا عزيمة يا قليل القيمة

حضرنا الحطب والعريس لسه ما خطب الحطب : مشان نعمل الولائم الخاصة بالعرس

راحت الخيل تنحدى مدت الخنفسة رجليها يقال إذا حدى من صغار القوم دحش حاله مع علية القوم

أدن من طين وأدن من عجين ينعي الواحد الكلام بيفوت من أذن وبيطلع من الثانية

ألف قولة جبان ولا قولة الله يرحمه.

طلعنا من تحت الدلف لتحت المزراب.الدلف : الماء المنبعث من خلال الشقوق – المزراب : ماسورة المياه

رضينا بالبين والبين ما رضي فينا. البين : أي شي سيئ او تعبان او دون المستوى المطلوب

مشتراة العبد ولا تربايتو.

ابو العباية مابنريده وابو الجوخة مابيجينا

قولي بيضا واسكتي وقولي سمرا ووصفي يعني الفتاة البيضاء: ما بحاجه الى وصف. والسمراء : كلها أوصاف و

الإثنتين حلوين

رجال بالبيت رحمة ولو كان فحمة

ايش عرف الحمير بأكل الزنجبيل

انا ما أخذوني على حمار خدودي، انا اخذوني على صيت جدودي حمار خدودي : اللون الأحمر بالوجنتين – يقال للتباهي بالأصل والفصل

بيتحركش بالحمى لتجيه برديه

شرط بالحقلة ولا خناقة عالبيدر

زائر

نظف بيتك ما بتعرف مين بيدوسه ونضف خدك ما بتعرف مين ببوسه

flower

يسلموووووو
ويعطيك العافيه يارب

» امثال غلط واجبة التصحيح
» معاني أسماء الأشهر والأيام
» كلمات لها معاني...