موضوع: رد: طريقة عمل الـ pigment في البيت .. منقول ! وحلوو الثلاثاء مارس 31, 2009 2:30 pm
المتفائله عميــدة الأقسام نائب المشرف العام علي منتديات عائلة العراقي المكيه
عدد الرسائل : 16915 العمر : 64 العمل/الترفيه : عمـيـدة الأقســــام مزاجي : رقم العضوية : العضوية العراقيه من الطبقة الأولي تاريخ التسجيل : 14/08/2008
موضوع: رد: طريقة عمل الـ pigment في البيت .. منقول ! وحلوو الثلاثاء مارس 31, 2009 2:10 pm
ثانكس عسوله فكره جهنميه تسلم يدك وصفه بسيطه وسهله
زائر زائر
موضوع: طريقة عمل الـ pigment في البيت .. منقول ! وحلوو الأحد مارس 01, 2009 6:00 pm
موضوع عجبني ونقلته لكم
السلام عليكم و رحمة الله و بركاته
شلونكم يا أحلى بنوتاااات في أحلى منتدى؟؟ ان شاءالله طيبين؟
من كم سنة و في بداية شغفي بالمكياج .. شريت باليتة شدو كبيرة (انا متأكدة انكم كلكم عندكم منها ) أكيد عرفتوها اللي يصير فيها 80 او 90 لون .. لوووووووول
المهم شريتها و ما استخدم الا الوان محدودة .. و بعدين كبرت و تغير ذوقي و صرت اشتري اشياء ثانية و شدوات ثانية غير عن هذه .. المهم .. اللي حصل ان هالعلبة صارت زايدة عن حاجتي .. و ما استخدمها اللا نادرًا و متحسفة اني اتخلص منها .. لان كل الالوان يديدة و ما استخدمتها و لا مرة
لذلك فكرت و فكرت و طرت على بالي فكرة اني استغل هالشدو و اسوي منه شي ثاني
و الحمدلله طبقت فكرتي و نجحت !!
الفكرة اهي اني اسوي من الشدو بيجمينت
اي بيجمنت اللي تاخذونه بأغلى أثمانه من ماك و ميك اب فور ايفير!!
تنويه: للأمانه .. انا ما نقلت الفكرة من اي موقع أجنبي .. كل الشغل من أفكاري و تصويري .. اللهم صورة الملعقة من google لاني نسيت أصورها
الادوات المطلوبة:
ملعقة
عبوة زجاجية صغيرة (موجودين عن اسواق بو 100 فلس بالكويت)
قاعدة للعمل (كيس مثلا للتخلص منه فور الانتهاء من استخدامه)
و طبعًا الشدو القديم
بودرة قلتر ذهبي + فضي
مو تشترون غالي .. اخذوا من الهندي .. ترى عنده اشياء روووعة و رخيصة
بالبداية احب اقول انه اغلب الالوان اللي سويتها كانت عبارة عن خلط كل درجات اللون الوحد مع بعض
مثلا: كل درجات اللون الرصاصي + قلتر فضي = شدو بيجمينت رصاصي لامع
نبدأ بالخطوات بسم الله
الخطوة الاولى
كسري الوان الشدو اللي تبينها بمكانها بالملعقة
الخطوة الثانية
قلبي الباليته على القاعدة اللي انتي حاطتها
الخطوة الثالثة
جمعي الالوان مع بعض و خلطيهم عدل .. و احرصي ان تزيلي كل التكتلات و الشدو اللي ما تكسر عدل لضمان خلط الالوان عدل
الخطوة الرابعة
اضيفي القلتر بالكمية اللي تحبين (اذا تبينه لامع عالخفيف حطي شوية و اذا تبين العكس كثري قلتر)
أخيرًا فرغي الخليط اللي عندج بالقرشة و تأكدي من اغلاقها عدل و هذه النتيجة
و شوفو هذه الوان ثانية سويتها غير الرصاصي
السطر الاول من اليمين:
بني + غلتر ذهبي
أخضر + غلتر ذهبي
درجات الوردي الطبيعية + غلتر ذهبي
السطر الثاني من اليمين:
رصاصي + قلتر فضي
درجات البنفسجي + قلتر ذهبي و فضي
أسود + غلتر ذهبي
و هذه نهاية موضوعي البسيط .. أتمنى يكون عجبتكم تجربتي المتواضعة مع صنع الـ pigment eye shadow